Konings
Season 1
TV-PG
Jong Dolf gaan na sy ouers se dood by die gesin van Jollyboy Roodt, sy pa se voormalige "partner in crime", woon. Jollyboy het twee kinders: Herman, wat Dolf se grootste teëstander word; en Rika, wat baie verlief is op Dolf – al is die liefde van sy lewe Santie, die meisie wat net soos hy aan die verkeerde kant van die spoor grootgeword het. Dolf wy sy hele lewe aan sy droom om ’n winkel te begin "so groot soos ’n rugbyveld, waar jy alles kan koop". Met die hulp van die Roodts en Dolf se vriend, Koos Bensien, word Superspaar gebore. Maar kan Dolf dit regkry om beheer oor sy rykdom te hou, of sal Herman en sy seun Fransie dit uiteindelik regkry om die troon oor te neem. Konings was ook die verhaal van die politieke opkoms en val van die Afrikaner – begin aan die einde van die Tweede Wêreldoorlog in 1945, en eindig in 1990, met Staatspresident F.W. de Klerk se historiese aankondiging dat die ANC en ander weerstandsbewegings ontban gaan word.
Where to Watch Season 1
20 Episodes
- Hoeveel brandewyn is in 'n pond?
E1Hoeveel brandewyn is in 'n pond?Dis 1945, kort voor die vredesverklaring. Ons ontmoet Dolf Groenewald, 'n jong seun wat toebroodjies verkoop om homself en sy ma te onderhou. Hy glo dat sy pa weg is om in die oorlog te veg, maar in werklikheid was hy in die tronk saam met sy twee vennote in misdaad, Jollyboy Roodt en Sid Keyser. Die drie mans word vroeg vrygelaat en Jollyboy keer onverwags terug huis toe – net om sy vrou, die glansryke Joey, saam met sy broer Stoffel in die bed te kry.
